Нэгдэх өдрийн таталбар. by Artga

За багшаа нь оёдол эсгүүрийг олон цаг хийлээ. 2 польто, 2 пиджакны ханцуй тайрав. Бурхан багшаа хүмүүн олон төрөлхтөнийг заяахдаан, Гомбоо болоод бяднуудыг насан туршдаа өмдний гэмээнэ шуумагнаас, польтооны гэмээнэ ганцуйнаас гасж өмсжаах гатуу шийтгэл оногдуулжээ. Тэгээд Бурхан багшаа өгүүлрүүн: "Таанууд тэгээд насан ахих тусам өмдний тойрог томсох авч доошоо нэмж уртсах хязгаар үүнээс цааш үл явмой!". Өө Бурхан багшаагийн лүндэн дор мөргөмой.
Түүнчлэн догол мөрнөөс Бурхан багшаадаа алтан гушуу ч хүргэмой: "Аяа гэгээн багшаа минь, энэ Гомбоог гэсгээж хайрла аа. Бяд муусайн боолууд модны цагираг лугаа адил, нас ахих тусам нэжгээд нэгжээр тойргоо зугуухан нэмэх атал Гомбоо нэрт хүмүүн өөрийн гүзээн тойргоо нэгэн цаг дор огцом нэмжүхүй. Тэр төрөлхийн ийм дүртэй мэт бодлыг харсан үзсэн олон болгонд таниулсаар явна. Та нэгэнтээ дэнсэлж үзээд үнээр төрөлхийн ийм аваас өршөөн хэлтрүүлж ажлын тав хоног цуйван, бууз, хуушуур, мантуун бууз, гуляшаар шагнаад, харин хагассайн өдөр бэлэн гоймонг аврал болгон илгээх буй заа. Бүтэнсайнд тэр үргэлж мөнхийн цацагт хяруул шарж идэх бөгөөд тэнд таны тус тун ч чухаг бусыг зориглон айлтгамуй. Аа гэвчиг, түүний энэ мангас мэт төрх байдал төрөлхийн бус олдмол аваас түүнийг бороонд боловч аянганд ниргүүлхээр, шороонд боловч хийсч ирсэн замын тэмдгэнд цохиулхаар шийтгэж хайрлаа. Түүнчлэн бүтэнсайнд түүний гарт шарагдаж үхэх заяат азгүй цацагт хяруулыг хэзээ ч үл үхэх, Гомбоогийн ходоодонд орсон боловч үхэлгүй мөнхийн чарлаж байхаар авшиг буулгана уу"

Бурхан багшаатай кантаакт авалцсан: Хувцны завууд оёо ханзалжаагаад тоосонд нь ханиад хүрээд, тэрийгээ дарах гэж архи ууж гулбизсан, одоо ахиад ганц татчаад унтах гэж байгаа Артгаа жижхэн багшаа (энд, гарын үсэг).

ps: эхний польтооны ханцуйг 6 цаг нухаж арай гэж тайраад, дараагийнхыг цаг хагас, гутгаарыг цаг, аа харин дөтгөөрийг 40 минут хасав. Өөр хасуулмаар ханцуйтай нөхөд байвал аваад ирүүл 15, 15 минутанд ханзалж тайрч оёод нэг нэг татаад салах фэствааль хиймээр байна. Нэрсээ өгнө үү. (Гарын үсэг)