Ахиад нэгдэх өдрийн таталбар. by Artga

Хахаха багшаа нь сая нэг инээдтэй сэтэгдэл нэг газраас хараад. Нэг зар байсийн. "Царайлаг массажист залуу массаж хийнэ. Хүүхнүүдээ залгаарай." гээд нэг утасны дугаартай. Тэгсэн доор нь ийм сэтэгдэл байж байхын. "Массаж хийхэд царай ямар хамаа байнаа. Муу биеэ үнэлэгч!"

За нэг ийм л юм болсын байна. Гэх мэтээр амьдрал хөвөрсөөр байна. Амьдралын хүрд эргэлдсээр байна. Энэ амьдралд хүрд гэж нэг юм эргээд байдаг юм байна. Эргээд ч гэж, амьдралын эзэн болсон хүмүүс нь л өөрснөө эргүүлдэг байх. Амьдрах гээд ч юмуу, амьдарч байх үед нь ч юмуу юм эргэлдэж байвал тэр жинхэнэ амьдрал.
За жолооч хүмүүсийх бол ойлгомжтой л байна л даа. Жолооныхоо хүрдийг өдөржин эргүүлж амьдарч байна. Ёолк ахын амьдрал бас ил тод байна. Тэр агшин нэвтрүүлгийн хүрд эргүүлж аж төрж байна. Залуу хөвгүүд охин эргүүлж байна, залуу охид гутал хувц эргүүлж байна. Идэр эрчүүд архи дарс эргүүлж байна, ид насны хүүхнүүд гутал хувц эргүүлж байна. Нас тогтсон эрс даалуугаа хольж гараа эргүүлнэ, намба суусан авгайчууд аанай л гутал хувцаа эргүүлсээр байна. Нас нь явахаараа харин өвгөчүүд нь сахлаа хуруундаа өлгөн эргүүлж, эмгэчүүд нь арай гэж гутал хувцнаасаа салаад гартаа эрхи эргүүлэн суудаг сан.
Би яаж байнаа ингэхэд , миний амьдралын хүрд хаа байна? Надад эргүүлээд байх юм байна уу? Байнаа бас байна. Би хааяа бууз хуушуурын гурил таслаж гартаа бөөрөнхийлж байна, тэгээд тэрийгээ элдэж ганжинг гялалзтал эргүүлж байна. Заримдаа ороодог тамхи татна. Миний өшиглөсөн бөмбөг агаарт эрээлжтэл эргэлдэн ойн буусаар гоол орж байна. Загас орж өгдгүй дэгээгээ татан үрлээт эргүүлж байна. Орой унтах болоход хүмүүний үхэл амьдрал, эрт эдүгээ, ирээдүй 3 цагийн хэлхээсийн тухай бясалгаж нойр хүрэхгүй орондоо эргэж хөрвөөнө. Бас хааяа гүнзгий юм бодхоороо нүдээ эргэлдүүлнэ. За худлаа худлаа, юүгж солиотой юм шиг нүдээ эргэлдүүлцэн зогсжаахав. Нүдний тийм дасгал л байдаг байх. Өөр чинь одоо.... товчоо эргүүлэх зуршил байхгүй, бохь мохио хуруундаа эргүүлнэ гэж байхгүй, бөгсөө эргүүлж бүжиглэх асуудал бүр ч байхгүй. Оо нээрээ хааяа .. хааяа ч юу байхав ер нь дагтан толгой эргэж явдым байна. Тиймээ энэ л миний амьдралын хүрд юм байна!
Толгой олон юман дээр эргэж байна.
-Өнөөдөр чинь хэддэх өдөр билээ?
-Өө дураакаа би дөнгөж юу боджээлээ даа?
-Энэ яагаад кармаанд хоёр жожгоолк явжээдэг билээ?
-Өчигдөр яажаагад гэртээ ирчвээ?
Толгой их эргэнээ. Миний амьдралын хүрд эргэлдсээр байгаам байна.
Манай Гамп ч бас юм хум эргүүлээ л амьдарч байгаа мэдээж. Нусаа бөөрөнхийлнө. Ээж нь чихий нь мушгиж загнана. Дээр харахад үс нь ургаад захаасаа эргээд буржийцан харагдана лээ.
Амьдрал үргэлжилсээр амьДралын хүрд эргэлдсээр л байна даа хүмүүсээ.